Індывідуальным прадпрымальнікам могуць дазволіць наймаць працаўнікоў, якія не з'яўляюцца членамі іх сем'яў. Пра гэта паведаміў сёння журналістам старшыня Беларускага саюза прадпрымальнікаў Аляксандр Калінін па выніках праведзенай ва ўрадзе сустрэчы прэм'ер-міністра Міхаіла Мясніковіча з прадпрымальнікамі.
«Урад пагадзіўся з прапановай дзелавых саюзаў аб увядзенні наёмных работнікаў для індывідуальных прадпрымальнікаў, — сказаў Аляксандр Калінін. — Дасягнута пагадненне, што ў праекце кампраміснага дакумента будуць тры наёмныя працаўнікі з моманту ўвядзення ўказа ў дзеянне. Гэта могуць быць любыя тры наёмныя працаўнікі, не абавязкова сваякі», цытуе БелТА.
Норма, згодна з якой індывідуальны прадпрымальнік можа наймаць на працу толькі близкіх сваякоў, была ўведзеная ад 1 студзеня 2008 г. сумнавядомым загадам №760, які выклікаў масавыя пратэсты прадпрымальнікаў. Пункт пра наёмных працаўнікоў разглядаўся як удар па малым бізнэсе.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары