Свет2222

Міністр замежных спраў Літвы пракаментаваў магчымую калійную здзелку ЗША з Беларуссю

«Незалежна ад таго, хто з'яўляецца ўладальнікам калійных угнаенняў, незалежна ад таго, якая кампанія іх адпраўляе, калійныя ўгнаенні, здабытыя ў Беларусі, не могуць апынуцца на тэрыторыі ЕС».

Кястуціс Будрыс. Фота: AP Photo / Mindaugas Kulbis

Учора прэзідэнт ЗША Дональд Трамп заявіў, што працуе над угодай з Беларуссю, паводле якой будзе купляць калійныя ўгнаенні ніжэйшай цаной, чым ЗША атрымліваюць з суседняй Канады.

Міністр замежных спраў Кястуціс Будрыс пракаментаваў LRT, што гэта справа двухбаковых адносін паміж ЗША і Беларуссю, і наўпрост на Літву гэта, маўляў, не ўплывае. 

«Тое, што адбываецца паміж ЗША і Беларуссю, — гэта двухбаковыя дачыненні, дачыненні гэтых дзяржаў. Якія санкцыі ЗША здымаюць — гэта наўпрост не звязана з тым, што робіць Еўрапейскі саюз, якой санкцыйнай палітыкі ён прытрымліваецца», — сказаў ён. 

На пытанне, ці выказваў Вашынгтон жаданне, каб беларускія калійныя ўгнаенні рухаліся на рынак ЗША праз тэрыторыю Літвы або літоўскія парты, Будрыс кажа, што кансультаваў амерыканскіх афіцыйных асоб наконт таго, як працуюць санкцыі ЕС: «Цяперашняе рэгуляванне пры ўвядзенні санкцый супраць Беларусі прадугледжвае, што на тэрыторыі ЕС не можа быць ніякіх угнаенняў. Гэта ахоплівае і транзіт. Незалежна ад таго, хто з'яўляецца ўладальнікам калійных угнаенняў, незалежна ад таго, якая кампанія іх адпраўляе, у якой краіне яна ні была б зарэгістраваная, калійныя ўгнаенні, здабытыя ў Беларусі, не могуць апынуцца на тэрыторыі ЕС», — кажа Будрыс.

Таму ніводная дзяржава ЕС сёння не можа быць часткай пагаднення аб угнаеннях паміж ЗША і Беларуссю, запэўнівае міністр замежных спраў Літвы.

На пытанне, ці аказвалі ЗША ціск на Літву ці ЕС наконт перагляду санкцый супраць Беларусі, Будрыс кажа, што прычыны, чаму супраць Беларусі ўведзеныя санкцыі, зразумелыя — парушэнні правоў чалавека, разгром апазіцыі, падтрымка Расіі. «Пакуль гэта не змянілася, няма падстаў казаць, што санкцыі могуць быць перагледжаныя. Я сёння не бачу ніякай прасторы для дэбатаў на гэтую тэму», — заявіў Будрыс.

Каментары22

  • Усё, дзякую!
    22.09.2026
    Сапраўды вычэрпальны адказ. Спадзявацца, што ў лютым санкцыі здымуць не трэба. Перагляду санкцый, пакуль Лукашэнка пры ўладзе не будзе. Гэта трэба усвядоміць і не ганяць воздух дарма.
  • Ад скрадзенага не растлусцееш
    22.09.2026
    Вашынгтон закрые вочы на тое, што прыдзецца зачыніць Віленскі аэрапорт.
    І можаце хіба яшчэ тузін літвінаў вынудзіць з'ехаць у Польшчу.
  • Жэка
    22.09.2026
    Амерыканцы паставяць на месца нашых бедных, але надта ганаровых суседзяў.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць