Журналісты ТСН падрыхтавалі актуальную карту аб'ектаў, якія захопленыя і заблакаваныя расійскімі вайскоўцамі.
На дадзены момант у Крыме на мысе Фіялент узброеныя людзі блакуюць вайсковую частку, яе называюць цэнтрам разведкі Ваенна-марскіх сіл Украіны.
У пасёлку Новафёдараўка Сакскага раёна застаецца заблакаванай вайсковая частка марской авіяцыі. Па перыметры стаяць узброеныя расійскія ваенныя без апазнавальных знакаў.
Да керчанскага атрада марской аховы да КПП пад'ехалі невядомыя з аўтаматычнай зброяй. Усяго чатыры аўтобусы, адзін з іх з расійскімі нумарамі.
У Севастопалі ўкраінскія вайскоўцы жывым шчытом абараняюць склады з боепрыпасамі супрацьпаветранай абароны. Тэрыторыю ачапілі узброеныя расійскія ваенныя, а ўваход на тэрыторыю заблакавалі грузавіком. Штаб Ваенна-марскіх сіл Украіны быў заблакаваны і абясточаны.
У Новаазёрным базу ўкраінскага флоту ноччу спрабавалі заняць салдаты расійскай арміі. У абарону жывым шчытом сталі неабыякавыя крымчане. Украінскія салдаты трымаюць кругавую абарону са зброяй, чакаючы новай спробы штурму.
Напружаная сітуацыя зараз у Бахчысараі, дзе зноў блакуюць інжынерную вайсковую частку № 2904. Балаклаўская бухта і аэрадром у Бельбеку — часткова пад кантролем падраздзяленняў Чарнаморскага флоту Расіі.
На ваенным аэрадроме ў Бельбеку расійскія ваенныя ноччу са святлошумавымі гранатамі штурмам узялі памяшканне варты, ангары з самалётамі і склад зброі.
У Кіраўскім расейцы перакрылі узлётна-пасадачную паласу, дзе базуецца пілатажная група «Украінскія сокалы». Расійскае падраздзяленне знаходзіцца ў аэрапорце Сімферопаля.
Парламент і Савет Міністраў аўтаноміі ад чацвярга захопленыя расійскімі спецназаўцамі з армейскім узбраеннем кулямётамі, снайперскімі вінтоўкамі, гранатамётамі.
700 воінаў атачылі ўкраінскую вайсковую частку ў сяле Перавальнае. У Еўпаторыі заблякаваны 55-й зенітна-ракетны полк.
Штурмам пагражалі батальёна марской пяхоты ў Феадосіі.
Пад кантролем расійскіх салдат пераправа праз Керчанскі праліў.
На аўтамабільных ўездах у Крымскі паўвостраў - у Чонгары і Армянску — блокпасты, якія кантралююць байцы севастопальскага «Беркута».
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары