Незалежны тэатр «Крылы халопа» планаваў прэзентаваць свой новы праект 6 сакавіка.
Паказ пастаноўкі і гутарка з удзелам запрошаных экспертаў мусілі адбыцца ў Центры культуры і адпачынку. Аднак падчас генеральнай рэпетыцыі, стала вядома, што спектакль адмяняецца ў сувязі з рамонтам, які нібыта павінен пачацца акурат ў дзень прэм'еры. Пры гэтым мерапрыемствы, якія запланаваныя ў гэтай установе на 8 сакавіка, не пераносяцца.
У аддзеле ідэалагічнай працы, працы з моладдзю і культуры тэатралам далі тлумачэнне, што пасля рамонту паказ адбудзецца, але ў выпадку, калі пастаноўку зацвердзіць адмысловая камісія.
«Мы трактуем сённяшні «перанос спектакля з-за рамонту» як завуаляваную забарону. І заяўляем, што ў чарговы раз у Беларусі цэнзура забараніла выказванне, якое можа быць чымсьці нязручным існуючай сістэме», —гаворыцца на афіцыйным сайце тэатра »Крылы халопа».
Дарэчы, пастаноўкі незалежнага тэатра забараняюць не ў першы раз. Напрыканцы 2012-га адмянілі пастаноўку па п'есе Паўла Пражко. Прачытанне твора «Майткі» тэатр «Крылы халопа» планаваў правесці ў брэсцкім арт-клубе»Кирпич». Забарону пасля папярэдняга прагляду вынесла мастацкая камісія. У яе склад увайшлі чыноўнікі «ад культуры» і тэатральныя рэжысёры Брэста.
Мінчанка выбіла пярэднія зубы на самакаце, страціла праз гэта мужа, але цяпер збірае мільёны праглядаў у тыктоку3
Каментары