Прозвішча, імя, фотаздымкі і дата нараджэння Наталлі Паклонскай з'явіліся ў пераліку «асобаў, якія хаваюцца ад органаў улады». Раней Паклонская заяўляла, што яе падначаленым паступаюць пагрозы з генпракуратуры Украіны.
Служба бяспекі Украіны абвясціла ў вышук Наталлю Паклонскую, якая выконвае абавязкі пракурора Рэспублікі Крым, адпаведная інфармацыя размешчана на сайце ўкраінскага МУС.
Паводле інфармацыі сайта, яе шукаюць за «дзеянні, учыненыя з мэтай гвалтоўнага змянення або звяржэння канстытуцыйнага ладу ці захопу дзяржаўнай улады». Прозвішча, імя, фатаграфія і дата нараджэння Наталлі Паклонскай з'явіліся ў апублікаваным на сайце пераліку «асобаў, якія хаваюцца ад органаў улады».
Раней Паклонская заяўляла, што яе падначаленым да гэтага часу паступаюць пагрозы з генпракуратуры Украіны.
У Крыме 16 сакавіка прайшоў рэферэндум, які захад і ЕС лічаць незаконным, аб статусе аўтаноміі, дзе больш за 96 % выбаршчыкаў выказаліся за ўваходжанне рэспублікі ў склад РФ. Прэзідэнт Расіі 21 сакавіка падпісаў закон аб ратыфікацыі дагавора і федэральны канстытуцыйны закон аб утварэнні ў Расійскай Федэрацыі новых суб'ектаў — Рэспублікі Крым і горада федэральнага значэння Севастопаля.
У аўторак стала вядома, што генпракурор РФ Юры Чайка выдаў загад аб стварэнні пракуратуры Рэспублікі Крым і пракуратуры горада Севастопаля ў сістэме пракуратуры РФ. Выконваючай абавязкі пракурора Рэспублікі Крым была прызначаная Паклонская. Усяго ў Рэспубліцы Крым будзе сфарміравана 22 тэрытарыяльныя пракуратуры. Таксама ў сістэму пракуратуры РФ ўвойдуць мясцовыя прыродаахоўныя, транспартныя і ваенныя пракуратуры.
Чытайце таксама Як Наталля Паклонская стала зоркай інтэрнэту
Чым вядомая Наталля Паклонская
Наталля Уладзіміраўна Паклонская нарадзілася 18 сакавіка 1980 ў Крымскай вобласці, СССР. Служыла ў Генпракуратуры Украіны. 25 лютага 2014 г. напісала рапарт аб звальненні. 11 сакавіка 2014 г прызначаная на пасаду пракурора Аўтаномнай Рэспублікі Крым.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары