Дзяржспажыўнагляд Украіны паведаміў, што якасць шэрагу расійскіх прадуктаў не адпавядае патрабаванням украінскага заканадаўства.
Праверка праводзілася ў сувязі са зваротам народнага дэпутата Алега Цягнібока, паведамляе прэс-служба ведамства.
У прыватнасці, Дзяржспажыўнагляд мае прэтэнзіі да расійскіх вытворцаў цукерак ААТ «Чырвоны Кастрычнік», ААТ «Кандытарскі канцэрн Бабаеўскі», ААТ «Рот фронт», ЗАТ «Фабрыка «Рускі шакалад», вытворцу плаўленых сыроў ТАА «Лакталіс Істра».
Таксама Дзяржспажыўнагляд забракаваў вытворцаў рыбы ТАА «Вічунай-Русь» і ТАА «Раскон».
У сваю чаргу, Дзяржспажыўнагляд паведаміў, што чарговы раз уводзіць рэжым узмоцненага лабараторнага кантролю малочнай прадукцыі Славуцкага масларобнага камбіната, які ўваходзіць у групу «Мілкілэнд».
Каментары