Расія хоча забараніць Украіне дыслакаваць войскі ў некаторых частках краіны. Пра гэта гаворыцца ў заяве МЗС РФ, якое цытуе ІТАР-ТАСС.
Расійскі бок «зноў настойвае на неадкладнай дээскалацыі сітуацыі на паўднёвым усходзе Украіны, адводзе падраздзяленняў ўкраінскай арміі і пачатку рэальнага ўнутрыўкраінскага дыялогу з ахопам усіх рэгіёнаў і палітычных утварэнняў краіны», — сказана ў заяве дыпведамства РФ.
У прыватнасці, у Маскве «вельмі здзіўленыя скажонай інтэрпрэтацыяй кіеўскімі ўладамі, а таксама амерыканскімі партнёрамі зместу прынятай 17 красавіка гэтага года ў Жэневе заявы па выніках чатырохбаковай сустрэчы прадстаўнікоў Расіі, ЗША, ЕС і Украіны».
Таксама расійскія дыпламаты лічаць, што праводзячы антытэрарыстычную аперацыю, украінскія ўлады парушаюць правы людзей, якія захапілі адміністрацыйныя будынкі ў некалькіх гарадах Данецкай вобласці.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары