МЗС Расіі пахвалілася расійскай акцыяй «Бессмяротны полк» у Мінску
Расія правяла ў Мінску маштабную акцыю «Бессмяротнага полка», нягледзячы на супраціў беларускага боку. Узначаліла яе пасольства РФ у Беларусі.
Спікер МЗС РФ Марыя Захарава перапосціла публікацыю пасольства Расіі ў Беларусі пра прапагандысцкую расійскую акцыю «Бессмяротны полк».
«Сцягі «Бессмяротнага палка» — у сталіцы Рэспублікі Беларусь горадзе-героі Мінску», — пахвалілася пасольства Расіі ў Беларусі.
Нягледзячы на забарону расійскай акцыі ў Беларусі, расіяне здолелі яе правесці.
На акцыю прыйшлі расійскія дыпламаты, прарасійскія актывісты.
«Сёлета да акцыі памяці ў сталіцы Беларусі таксама далучылася дэлегацыя з Ніжагародскай вобласці Расійскай Федэрацыі», — дадае пасольства РФ.
Беларускія ўлады не далі рады расійскай прапагандзе. Рыгор Азаронак толькі і змог, што кідацца абразамі ў бок шараговых прарасійскіх актывістаў.
Так, віцебская прарасійская актывістка Эльвіра Мірсалімава ў сваім тэлеграм-канале паскардзілася, што падчас святкавання 9 мая ўзнік канфлікт вакол раздачы георгіеўскіх стужак, і апублікавала адпаведнае відэа. «У нас іншая атрыбутыка», — адказала ёй адна з жанчын на тыя стужкі.
«Малайчына, свіння. Сапсавала канкрэтным людзям свята», — напісаў пра Мірсалімаву Азаронак. І дадаў саркастычнае «Патрыётка» ў двукоссях.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая2
Каментары
======
вельмі дарэчы характарыстычнае выказваньне. Лукашысты-русафілы (напрыклад, старшыня ЦВК Карпенка) ўжываюць у дачыненьні да самых заўзятых прыхільнікаў русского мира азначэньне "патриот", "ультрапатриот", "чрезмерный патриотизм". То бок для іх патрыёт - ня важна ён радыкальны ці ўмераны - гэта патрыёт Расіі. І яны патрыёты Расіі.
Улада Лукашэнкі - проста фармальны кантроль і фактычна мала што вырашае