Памятаеце ўкраінскага скандальнага палітыка Алега Ляшко? Вось дзе ён цяпер
Экс-дэпутата Вярхоўнай рады Украіны Алега Ляшко прызначылі камандзірам 432‑га асобнага палка беспілотных сістэм 11‑га армейскага корпуса «Усход», паведамілі інфармаваныя суразмоўцы «Украінскай праўды» ва Узброеных сілах Украіны.
Па словах крыніцы выдання, 6 мая 2026 года рашэннем камандавання Сухапутных войскаў УСУ старшага лейтэнанта Алега Ляшко вызвалілі з пасады камандзіра батальёна беспілотных сістэм 63‑й асобнай механізаванай брыгады 3‑га армейскага корпуса аператыўнага камандавання «Усход» са штатна-пасаднай катэгорыяй «падпалкоўнік».
Адначасова Ляшко прызначылі камандзірам 432‑га асобнага палка беспілотных сістэм 11‑га армейскага корпуса аператыўнага камандавання «Усход» са штатна-пасаднай катэгорыяй «палкоўнік». Аднак пра атрыманне Ляшко вайсковага звання палкоўніка гаворка не ідзе.
Перад гэтым у канцы красавіка 2026 года ў СМІ з'явілася інфармацыя, што батальён беспілотных сістэм 63‑й асобнай механізаванай брыгады, які ўзначальвае Ляшко, будзе пашыраны да палка.
Алег Ляшко — адзін з самых эпатажных палітыкаў сучаснай Украіны, былы лідар Радыкальнай партыі і дэпутат Вярхоўнай Рады некалькіх скліканняў. Як палітычная фігура ён ствараў сабе вобраз «чалавека з народа», які змагаецца супраць алігархаў і эліт. Ляшко запомніўся выбаршчыкам сваімі эксцэнтрычнымі выхадкамі: ён прыходзіў у Вярхоўную Раду з віламі (якія сталі сімвалам яго партыі), еў зямлю на трыбуне і часта ўступаў у жорсткія вербальныя (а часам і фізічныя) сутычкі з апанентамі.
Ацэнкі Ляшко як палітыка даволі супярэчлівыя. З аднаго боку, яго заўсёды крытыкавалі за папулізм і радыкальную рыторыку, але з іншага — адзначалі яго вялікую харызму і ўменне працаваць з электаратам у глыбінцы. Праўда, на апошніх парламенцкіх выбарах, якія адбыліся ў чэрвені 2019 года, гэта ўсё яму не дапамагло: Радыкальная партыя Алега Ляшко набрала на іх толькі каля 4% галасоў і ў Вярхоўную раду не трапіла.
Пасля пачатку поўнамаштабнага расійскага ўварвання ў 2022 годзе Ляшко адышоў ад актыўнай публічнай палітыкі і далучыўся да шэрагаў Узброеных сіл Украіны, дзе праходзіць службу. 11 кастрычніка 2024 года яго прызначылі камандзірам батальёна беспілотных сістэм кіравання асобнай механізаванай брыгады.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары
Честь Алегу!!!
Слава ЗСУ 👍💪