«І хаця менская лябараторыя яшчэ ня будзе мець афіцыйнай акрэдытацыі антыдопінгавай агенцыі, будуць спыняцца і жорстка карацца любыя спробы ўжываньня допінгу» — засьцярог міністар спорту й турызму Аляксандар Грыгараў.
Ніводзін беларускі спартовец ня сядзе ў самалёт у Пэкін, на Алімпіяду‑2008, пакуль ня пройдзе пільнага допінг‑кантролю ў Нацыянальнай антыдопінгавай лябараторыі, — заявіў міністар спорту й турызму Аляксандар Грыгараў 5 лістапада на 5‑й справаздачна‑выбарнай канфэрэнцыі Беларускай фэдэрацыі лёгкай атлетыкі.
Аляксандар Грыгараў папярэдзіў спартоўцаў і трэнэраў, што ў Беларусі, як і ва ўсім сьвеце, барацьба з допінгам будзе ўзмацняцца. Паводле слоў міністра, у 2008 годзе Нацыянальная антыдопінгавая лябараторыя атрымае сучаснае высакаякаснае абсталяваньне, з дапамогай якога можна будзе выявіць наяўнасьць у арганізьме спартоўца любыя забароненыя прэпараты.
«І хаця менская лябараторыя яшчэ ня будзе мець афіцыйнай акрэдытацыі антыдопінгавай агенцыі, будуць спыняцца і жорстка карацца любыя спробы ўжываньня допінгу» — засьцярог Аляксандар Грыгараў.
Ён нагадаў, што 19 афіцэраў Рэгіянальнай антыдопінгавай арганізацыі для краін Усходняй Эўропы, штаб‑кватэра якой разьмешчаная ў Менску, будуць актыўна і ў любы час праводзіць тэсты як па‑за спаборніцтвамі, так і пасьля іх.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было9
Каментары