У Канах прэзентавалі трэйлер да фільма «Авель» з зоркай «Плэйбоя» ВІДЭА
У беларускім павільёне на Канскім кінафестывалі паказалі трэйлер фільма «Мы, браты», анансаваны раней як «Авель». Беларускія медыі называюць фільм «адказам на «Жыве Беларусь!», хаця стваральнікі гэта адмаўляюць.
Трэйлер пачынаецца з вулічных пратэстаў у Мінску, падобных да падзеяў Плошчы ў 2010 годзе, сутычак са спецназам, затрыманняў, мужчына аблівае сябе бензінам, некалькі аўтамабіляў выбухаюць і перакульваюцца. Напрыканцы відэа Эрык Робэртс працягвае дакументы ў бок камеры са словамі: «Усё тут».
У прэзэнтацыі ўзялі ўдзел генеральны прадзюсар стужкі, бізнэсмен Сяргей Ждановіч, прадзюсар Юры Ігруша, рэжысёр Уільям дэ Віталь.
Пасля паказу трэйлера Ждановіч распавёў, што фільм «Мы браты» — праект беларускі нацыянальны, які мае міжнародны статус. Паводле яго, здымкі адбываліся ў Беларусі (80%), але таксама ў ЗША і нават у Мексіцы. Шэраг сусветных кампаніяў выказалі жаданне ўдзельнічаць у дыстрыб'юцыі стужкі.
Галоўную ролю ў ім сыграе Наташа Алам — амерыканская актрыса, што нарадзілася ў Ташкенце, а пазней ўзяла шлюб з унукам іранскага шаха. Наташа Алам — вядомая як зорка часопісаў «Плэйбой» і «Максім», а таксама здымкамі ў амерыканскіх серыялах.
Ждановіч кажа, што дзякуючы Наташы фільм стаў больш дынамічны. Ужо праз некалькі дзён з Канаў разам са Ждановічам яны ляцяць у Мінск на здымкі.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч24
Каментары