У ФІБА-Еўропа прынялі рашэнне, што Украіна не будзе праводзіць мужчынскі чэмпіянат Еўропы 2015 з-за складанай сітуацыі ў краіне, паведамляе Sportando.com са спасылкай на латвійскую федэрацыю. Еўрабаскет таксама зменіць фармат: пасля першага групавога этапу пачнецца плэй-оф, у якім прымуць удзел 16 камандаў.
ФІБА-Еўропа у бліжэйшы час абвесціць пра старт новага конкурсу за права правядзення турніру. Заяўкі будуць прымацца да 31 ліпеня.
Украіна будзе мець прыярытэтнае права на правядзенне Еўрабаскета-2017.
Зацікаўленасць у правядзенні Еўрабаскета-2015 раней праявілі 16 краін. Не выключана, што ФІБА-Еўропа аддасць турнір адразу дзвюм краінам.
Новае месца правядзення еўрапейскага першынства павінна быць абвешчана ў канцы жніўня, калі завершыцца кваліфікацыйны раўнд турніру.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары