Віцэ-прэзідэнт ЗША Джо Байдэн заявіў, што ЗША разам з астатнімі членамі «Вялікай сямёркі» працуюць над новымі эканамічнымі санкцыямі супраць Расіі на выпадак, калі Масква не зробіць крокаў па дээскалацыя канфлікту на паўднёвым усходзе Украіны.
Пра гэта Байдэн паведаміў прэзідэнту Украіны Пятру Парашэнку падчас тэлефоннай размовы.
Па словах віцэ-прэзідэнта ЗША, новыя санкцыі будуць уведзеныя, калі Масква не распачне дзеянняў па спыненні паставак зброі на ўсход Украіны і пераходу баевікоў праз мяжу.
Таксама Белы дом чакае, што Масква прыменіць свой уплыў і публічна «закліча сепаратыстаў скласці зброю».
Парашэнка, у сваю чаргу, праінфармаваў Байдэна, што сепаратысты, якія падтрымліваюцца Расіяй, працягваюць атакаваць украінскія войскі, уключаючы артылерыйскія абстрэлы, пасля абвяшчэння пра спыненне агню».
Паводле інфармацыі прэс-службы Парашэнка паведаміў віцэ-прэзідэнту ЗША аб дзясятках фактаў парушэння рэжыму спынення агню з боку сепаратыстаў, у прыватнасці, пра абстрэл пазіцый украінскіх вайскоўцаў.
У пятніцу ўкраінскі прэзідэнт Пятро Парашэнка абвясціў перамір'е, зазначыўшы, што сілавікі ў аднабаковым парадку на тыдзень спыняюць спецаперацыю на паўднёвым усходзе краіны, каб даць магчымасць сепаратыстам скласці зброю.
Перамір'е ўступіла ў сілу ў пятніцу 20 чэрвеня, у 22:00 па кіеўскім часе і будзе доўжыцца да 27 чэрвеня.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары