Пра гэта заявіў сёння в.а. камерцыйнага дырэктара ААТ «МАЗ» Сяргей Захарэвіч.
«Як вы ведаеце, для прапрацоўкі варыянтаў гэтага супрацоўніцтва на міжурадавым узроўні створана спецыяльная група. Чарговае пасяджэнне гэтай групы запланавана на сярэдзіну жніўня. Складзены план работы па формах супрацоўніцтва — аб'яднання або ўзаемадзеяння», — адзначыў Захарэвіч.
Адказваючы на пытанне, калі чакаць аб'яднання, ён сказаў: «На гэтае пытаньне на сёння няма адказу, група працуе, і працуе прадуктыўна».
Перамовы наконт аб'яднання МАЗа і КАМАЗа працягваюцца больш за тры гады.
За гэты час бакі прайшлі стадыю прынцыповых дамоўленасцей, пачалі абмяркоўваць дэталі стварэння СП, аднак пасля перамовы зайшлі ў тупік.
Першапачаткова планаваўся абмен акцыямі, аднак гэты варыянт не задаволіў ўлады Беларусі.
Каментары