Сёння ў 9.00 раніцы з боку вуліцы Міхайлаўскай камунальнікі і міліцыя пачалі разбіраць барыкады ў Кіеве.
Майданаўцы забарыкадаваліся на тэрыторыі гарадка і пагражаюць падпаліць шыны. Яны ўзброіліся палкамі і шчытамі. Таксама актывісты хочуць страляць з феерверкаў.
Урэшце шыны падпалілі.
11:14
Міліцыя пад націскам актывістаў адступіла з Майдана разам з камунальнікамі да Еўрапейскай плошчы і вуліцы Міхайлаўскай.
Актывісты пачынаюць будаваць барыкады з падручных сродкаў.
Міліцыя кажа, што ў іх не было загаду ўжываць сілу супраць мітынгоўцаў.
Паводле інфармацыі «Грамадскага ТБ», верагодна, ёсць ужо адна ахвяра.
11:55
Пратэсты на Майдане спыніліся. Дагараюць рэшткі дроў і шын, паўсюль раскіданыя кучы смецця, людзі паводзяць сябе спакойна, праваахоўнікаў не відаць, на Хрышчаціку застаюцца дзве машыны «хуткай дапамогі», дактары якіх аказвалі медыцынскую дапамогу ўдзельнікам сутыкненняў.
***
Пратэсты ў Кіеве пачаліся 21 лістапада 2013 г. на Еўрапейскай плошчы, другі Майдан стаяў з 1 снежня, пасля жорсткага разгону студэнцкага пратэсту.
Каментары