Камандуючы войскамі NATO ў Еўропе генерал Філіп Брыдлаў заявіў у інтэрв'ю нямецкаму выданню Die Welt, што Паўночнаатлантычны альянс гатовы аказаць ваенную дапамогу Украіне, калі расійскія войскі пяройдуць мяжу.
Прарасійскія вайскоўцы ў Краснадоне, AP
«Самае галоўнае - краіны NATO гатовыя да так званых «зялёных чалавечкаў» […] Калі замежныя войскі прыходзяць на тэрыторыю дзяржавы, і мы можам лічыць гэтыя дзеянні паводзінамі агрэсара — гэта артыкул нумар пяць: ваенны адказ на дзеянні агрэсара», — адзначыў 58-гадовы вайсковец.
У апошнія дні ўкраінскія ўлады, а таксама ўрады заходніх краін выказвалі апасенні, наконт місіі па дастаўцы гуманітарнай дапамогі з Расіі, што можа быць прыкрыццём для перакідання сепаратыстам ваенных грузаў або падставай для поўнамаштабнага ўвядзення расійскіх войскаў ва Украіну.
