Доля пакрыцця насельніцтвам сталіцы затрат на камунальныя паслугі складае 31%, паведаміў на прэс-канферэнцыі 12 верасня ў Мінску начальнік упраўлення гарадской гаспадаркі і энергетыкі Мінгарвыканкама Дзмітрый Янчык.
Паводле яго слоў, доля пакрыцця затрат на ацяпленне і гарачае водазабеспячэнне яшчэ ніжэйшая — 20%. Пакрыццё электраэнергіі і газу вышэйшае — 70—78%. «У Мінску па сабекошце мы плацім толькі за вываз і абясшкоджванне цвёрдых бытавых адходаў», — сказаў Янчык.
«Логіка падказвае, што ўсё адно мы ідзём да больш высокай аплаты. Але на сёння нам рэгламентавана на ўсю аплату ЖКГ пяць долараў за год. Таму мы спрабуем укласціся ў пяць долараў. Павышэнне ідзе і раз на квартал. Так, 1 верасня павышаны тарыфы на ўзровень інфляцыі і рост заработнай платы, але не больш за тое. Тое ж будзе і з 1 снежня», — сказаў Янчык.
Ён таксама пракаментаваў рашэнне аб адыходзе ад перакрыжаванага субсідавання. «Ёсць такая думка. Але перакласці затраты з прадпрыемстваў трэба будзе на іншую катэгорыю, а для гэтага трэба знайсці немалыя грошы. Гэта ўсё ў працэсе прапрацоўкі», — сказаў кіраўнік упраўлення.
Янчык таксама адзначыў, што рыхтуецца ўказ прэзідэнта па рэфармаванні ЖКГ. «Там таксама прадугледжваецца перадача камунальных цепласетак і электрасетак на баланс Мінэнерга, перадача дарог. Гэта ёмісты праект, і ён дапаможа знізіць затраты ЖКГ», — лічыць Янчык.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары