Прэм'ер-міністр Японіі Сіндза Абэ адклікаў запрашэнне прэзідэнту Расіі Уладзіміру Пуціну наведаць краіну гэтай восенню. Як паведамляе агенцтва Kyodo, ЗША звярнуліся да японскага ўрада з просьбай адкласці візіт расійскага лідара. У Токіа палічылі неабходным падтрымаць рашэнне Вашынгтона.
Зрэшты, паводле агенцтва, японскі прэм'ер разлічвае перамовіцца з Пуціным падчас саміту АТЭС, які пройдзе ў лістападзе ў Пекіне. Пры гэтым у Токіа не выключаюць, што афіцыйны візіт будзе перанесены на вясну 2015 г. ці пазней, у залежнасці ад расійска-амерыканскіх адносін.
Афіцыйнага каментара Крамля на адкліканне запрашэння пакуль не паступала.
У верасні Токіа адклаў прыняцце чарговых санкцый супраць Расіі. У японскім урадзе патлумачылі гэта рашэнне жаданнем праназіраць за дзеяннямі Масквы.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары