У аварыі пад Смалявічамі загінуў італьянскі радыёлаг, які лячыў беларускіх дзяцей
Лучана Фэста займаўся арганізацыяй абследавання дзяцей з чарнобыльскай зоны ў італьянскіх клініках.
Страшная аварыя, у якой загінулі тры чалавекі, адбылася 12 кастрычніка каля 03:00 на нерэгуляваным чыгуначным пераездзе ў раёне вёскі Шэметава Смалявіцкага раёна.
49-гадовы грамадзянін РФ на Audi выехаў на чыгуначны пераезд, не абсталяваны светлавой і гукавой сігналізацыяй, і сутыкнуўся з манеўровым цеплавозам з чатырма цыстэрнамі.
У выніку кіроўца, а таксама 31-гадовая жанчына і 61-гадовы грамадзянін Італіі ад атрыманых траўмаў памерлі на месцы здарэння.
Лучана Фэста, прафесар-радыёлаг з Бергама, паведамляюць італьянскія СМІ, быў актыўным удзельнікам міжнародных праектаў для беларускіх дзяцей з забруджаных радыяцыяй раёнаў, якія ў тым ліку і дзякуючы яму мелі магчымасць абследавацца і лячыцца ў Італіі.
У тую ноч прафесар накіроўваўся ў аэрапорт, адкуль павінен быў вылецець у Італію.
Цяпер чытаюць
Каардынатара пошукавага атрада «Анёл» пасадзілі за палітыку2
Каментары