Днём 2 лістапада ад прахожай паступіла паведамленне аб тым, што ў Гомелі па Рэчыцкім праспекце ў Фестывальным парку тоне чалавек. Да месца здарэння былі накіраваны ратавальнікі МНС, Асвода, хуткая медыцынская дапамога.
Як паведаміў прэс-сакратар Гомельскага абласнога ўпраўлення МНС Руслан Габрылёў, школьнік, вучаць 7-га класа з Арла (РФ), знаходзіўся на экскурсіі ў Фестывальным парку, выйшаў на лёд возера і праваліўся.
Да прыбыцця ратавальнікаў хлопчыка выратаваў прахожы — гамяльчанін, пенсіянер Віктар Коўгар. У МНС адзначылі, што прынята рашэнне аб падрыхтоўцы дакументаў для прадстаўлення пенсіянера да ўзнагароды.
Пацярпелы ў медыцынскай дапамозе не меў патрэбы, яго стан ацанілі як здавальняючы.
У МНС дадалі, што таўшчыня лёду на возеры ў момант інцыдэнту складала 1-3 см.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары