Так званая «Ісламская дзяржава Ірака і Сірыі» арганізавала вялікую сетку школ і баз падрыхтоўкі дзяцей, у якіх тыя атрымліваюць ідэалагічныя і вайсковыя веды. Баевікі плануюць, што вайна супраць хрысціянскай цывілізацыі будзе доўгай, і спадзяюцца, што ў будучым гэтыя дзеці зоймуць іх месца.
Няма канкрэтных дадзеных пра колькасць дзяцей, якія патрапілі пад кантроль ісламістаў, але сведчанні і аповеды ўцекачоў, якія былі сабраныя ААН, праваабаронцамі і журналістамі, паказваюць, што лік ідзе на тысячы.
Бацькі часам кажуць, што не могуць пераканаць дзяцей не верыць прапагандзе ісламістаў.
Баевікі навучыліся маніпуляваць дзецьмі і падлеткамі, дэманструючы сваю непераможнасць і абяцаючы рай пасля смерці, яны праводзяць «буйную і небяспечна паспяховую вярбоўку», сказаў намеснік генеральнага сакратара ААН па правах чалавека Іван Сіманавіч. Ён асабіста праводзіў у Іраку размовы з уцекачамі з тэрыторый, якія былі захопленыя ісламістамі.
Дзяцей таксама выкарыстоўваюць у баях як жывыя шчыты альбо як донараў крыві для дарослых баевікоў, распавядае Шэлі Уітмэн, кіраўнічка арганізацыі Roméo Dallaire Child Soldiers Initiative.
На відэа, якое зрабіла кампанія Vice News гэтым летам, 9-гадовы хлопец распавядае, што накіроўваецца ў вайсковы лагер, каб вучыцца валодаць зброяй.
«Баевікі свядома не толькі забараняюць працу звычайных школ, але і прамываюць мазгі людзям на падкантрольных тэрыторыях. Яны парушаюць правы дзяцей у прамысловых маштабах, сістэматычна дэгуманізуюць моладзь. Гэта будзе праблемай на шмат пакаленняў», — адзначае генерал-лейтэнант арміі ЗША Герберт Макмастэр, які займаецца ацэнкай будучых праблем для амерыканскіх узброеных сіл.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА4
Каментары