Выпякаць хлеб з выкарыстаньнем касьмічных тэхналёгій пачалі на Калінкавіцкім хлебазаводзе. Упершыню ў Беларусі.
Выпякаць хлеб з выкарыстаннем касмічных тэхналогій пачалі на Калінкавіцкім хлебазаводзе.
Рэцэптура хлеба — звычайная, незвычайная печ, у якой хлеб пякуць. У ёй выкарыстаны эфект СЦІР, які прымяняецца ў касмічных распрацоўках. Такая печ — першая ў Беларусі.
Новая печ на Калінкавіцкім хлебазаводзе з’явілася 4 месяцы таму. Ідэю набыць такую ўстаноўку адміністрацыя прадпрыемства прывезла год таму з Мюнхена. Там на міжнароднай выставе і прэзентавалі цуда‑печ вытворцы. Іх довады падаліся беларусам пераканаўчымі.
Унікальнасць печы — у выкарыстанні эфекту СЦІР. На яе ўнутраную паверхню нанесены тонкі слой спецыяльнага керамічнага напылення. Такое ж выкарыстоўваецца ў касмічных распрацоўках. Кераміка не дае цяплу з печы выходзіць, і яно, адбіваючыся, выпякае хлеб знутры.
Ужо першыя месяцы работы незвычайнай печы апраўдалі прагнозы па беражлівасці. За кошт больш рацыянальнага выкарыстання цеплавой энергіі паскорыўся працэс выпечкі, і адпаведна — прадукцыйнасць. Але самае галоўнае: калі раней хлеб і белабулачныя вырабы выпякалі ў розных печах, зараз дастаткова адной такой устаноўкі. Варта толькі змяніць тэмпературны і часавы рэжымы. І калі раней дзённы аб’ём прадукцыі завода дзве стальныя печы выпякалі па 20 гадзін, то зараз адна і ўсяго за 16.
Але і гэты разлік эканоміі яшчэ не канчатковы. Першыя два месяцы печ працавала ў рэжыме тэсціравання, а значыць не на поўную магутнасць. Тым часам у Калінкавіцкага хлебазавода з’явіліся паслядоўнікі. Такую ж устаноўку набылі і ў суседнім, Рэчыцкім, раёне.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары