Візіт дырэктара дэпартамента Расіі, Усходняга партнёрства, Цэнтральнай Азіі, рэгіянальнага супрацоўніцтва і АБСЕ Еўрапейскай службы замежных дзеянняў Гунара Віганда чакаецца ў Беларусі «ў самы бліжэйшы час». Пра гэта паведаміў прэс-сакратар МЗС Беларусі Дзмітрый Мірончык.
Аднак лідар Аб’яднанай грамадзянскай партыі Анатоль Лябедзька з упэўненасцю заяўляе, што Віганд ужо ў Беларусі.
«Гэта я пацвярджаю як факт. Інфармацыя з надзейных крыніц. Можаце мяне пераправерыць і накіраваць запыт у прадстаўніцтва Еўрапейскай камісіі. Я думаю, што ён будзе сустракацца за зачыненымі дзвярыма з прадстаўнікамі ўлады, і яны, напэўна, адабралі нейкіх найбольш перспектыўных і прывабных прадстаўнікоў недзяржаўнага сектара», — заявіў Лябедзька.
У сваю чаргу, Дзмітрый Мірончык параіў сачыць за навінамі на сайце МЗС.
«Як толькі з’явіцца нейкая інфармацыя, мы дадзім яе на сайце ў самыя хуткія тэрміны», — сказаў ён.
У сваю чаргу, у прадстаўніцтве ЕС у Беларусі, візіт Віганда і не абверглі, і не пацвердзілі: «Дакладнай інфармацыі ў нас цяпер няма».
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў4
Каментары