Міністэрства аховы здароўя: Ажыятаж у сувязі са змяненнем правіл продажу лекаў ёсць толькі ў гарадах
Заявіла намеснік начальніка галоўнага ўпраўлення арганізацыі медыцынскай дапамогі Міністэрства аховы здароўя Людміла Жылевіч.
Паводле пастановы Міністэрства аховы здароўя, якое набыло моц 19 кастрычніка, рэцэпты на лекавыя сродкі, рэалізаваныя за поўны кошт, павінны заставацца ў аптэцы. Гэта для хранічных хворых азначае дадатковыя паходы да ўрача, а для медыкаў — дадатковую нагрузку. На льготныя лекі рэцэпты заставаліся ў фармацэўта і раней.
Жылевіч адзначыла, што на перыферыі «ўсё адрэгулявана».
«Чалавек выпісаў лекі, купіў, здаў рэцэпт, — расказала яна аб тым, як працэс арганізаваны ў рэгіёнах. — Каб не дапусціць ажыятажу, да выпіскі рэцэптаў далучылі спецыялістаў даўрачэбных кабінетаў, памочнікаў урача. Паводле электронных запісаў, калі пацыент не можа запісацца да ўрача сёння на сёння, то на заўтра — без праблем. У сельскай мясцовасці ў ФАПах паводле зацверджанага спісу ёсць шэраг лекавых сродкаў, таксама фельчары прывозяць лекі пажылым пацыентам па рэцэптах».
Разам з тым Жылевіч канстатавала, што пацыенты ў гарадах звяртаюцца ў Міністэрства аховы зароўя са скаргамі на праблемы, звязаныя з новай сістэмай выпіскі рэцэптаў. «Мне па гэтым пытанні тэлефануюць штодня, — сказала Жылевіч. —
Людзі кажуць, што не ведаюць, як атрымаць рэцэпт. Тым часам многія і не спрабавалі звяртацца ў медустанову».
Жылевіч адзначыла, што ў пералік безрэцэптурнага водпуску лекаў кардыялагічнай групы ўваходзяць усе прэпараты за выключэннем антыарытмічных і адной групы блакатараў. Усе астатнія 18 груп прэпаратаў адпускаюцца без рэцэптаў. Таксама без рэцэптаў прадаюцца тры антыбіётыкі. «Антыбіётыкі другога і трэцяга пакаленняў ніколі не будуць у безрэцэптурным спісе прэпаратаў. Нідзе ў свеце антыбіётыкі без рэцэпту не прадаюцца, і мы будзем ісці па гэтым шляху. Гэта пытанне адрэгулюецца».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары