Продаж энергетычных напояў падлеткам варта забараніць. Пра гэта заявіў намеснік прэм'ер-міністра Анатоль Тозік сёння на пасяджэнні Міжведамаснага савета па прадухіленні і прафілактыцы п'янства, алкагалізму, наркаманіі і спажыванні тытуню.
На думку віцэ-прэм'ера, неабходна своечасова прыняць меры, каб папярэдзіць шырокае распаўсюджванне і масавае ўжыванне энергетыкаў і іх аналагаў, якія нясуць шкоду арганізму падлеткаў, моладзі і грамадству ў цэлым.
Намеснік міністра адукацыі Віктар Якжык адзначыў, што ў маладзёжным асяроддзі ўсё больш папулярнымі становяцца так званыя марафоны — няспыннае вяселле на працягу некалькіх дзён з наведваннем бараў, клубаў і г.д. «Маладыя людзі напампоўваюць сябе энергетыкамі, не разумеючы, што шкодзяць свайму здароўю, — сказаў ён. — Больш за тое, як паказалі апытанні тых, хто ўжываў спайс, кожны другі з іх піў і энергетычныя напоі. Гэта яшчэ адна нагода задумацца аб згубнасці прыхільнасці да энергетыкам».
Каментары