Тая гісторыя здарылася ў 2009 годзе, але цікавасць да яе з'явілася цяпер, калі міністр культуры Расіі абвінаваціў рэжысёра Звягінцава ў паклёпе на расійскую рэчаіснасць.
У паўночнарасійскім горадзе Кіраўск, дзе здымаўся намінаваны на Оскар «Левіяфан» Андрэя Звягінцава, 6 гадоў таму адбылося жорсткае двайное забойства. Як нагадваюць расійскія СМІ, быў застрэлены кіраўнік адміністрацыі горада Ілля Кельманзон, а таксама яго намеснік па ЖКГ, ценявы «гаспадар горада» Сяргей Максімаў. Забойца — пажылы прадпрымальнік Іван Анкушаў, даведзены да адчаю гарадскімі чыноўнікамі.
Ілля Кельманзон раней працаваў у фінупраўленні горадаўтваральнага прадпрыемства «Апатыт», перайшоў у мэрыю ў 2007 годзе.
62-гадовы забойца валодаў у Кіраўску чатырма крамамі.
Усё адбылося каля 10.30. З раніцы Кельманзон сустракаўся з супрацоўнікамі устаноў культуры, правёў апаратную нараду і брыфінг для журналістаў. Застаўшыся ўдвух, чыноўнікі запрасілі да сабе бізнэсоўца Анкушава, які чакаў у прыёмнай. Планавалася абмеркаваць маючае адбыцца скасаванне дамовы арэнды памяшканняў, дзе размяшчалася крама Анкушава.
Зайшоўшы ў кабінет, прадпрымальнік расстраляў спачатку намесніка, а пасля і мэра.
Следам ён скончыў жыццё самагубствам.
Пішуць, што намеснік мэра карыстаўся аўтарытэтам у крымінальных колах. У сваю чаргу, прадпрымальнік, па словах ягонага сына, быў даведзены да адчаю паборамі.
Каментары