У Беларусі напішуць «антычырвоную» кнігу шкодных жывёл і раслін
Першая кніга з пералікам небяспечных біялагічных відаў рыхтуецца да выдання ў 2015-м — першай дэкадзе 2016 года, паведамляе газета «Лясныя навіны».
З 300 чужародных для Беларусі раслін у «Чорную кнігу» ўвайдуць 52 найбольш агрэсіўных віды. У спіс трапяць і 30 небяспечных відаў жывёл, сярод якіх 7 беспазваночных, 3 віды рыб, амерыканская норка і янотападобны сабака.
Акрамя саміх шкодных відаў, у «Чорнай кнізе» навукоўцы назавуць час і спосаб узнікнення так званых інвазіўных відаў на Беларусі, а таксама спосабы барацьбы з імі і эканамічную, экалагічную ды сацыяльную шкоду ад іх.
«Чорную кнігу» плануецца перавыдаваць раз на 10 год.
Крытэры ўнясення ў падобныя спісы добра прапрацаваныя ў Еўропе, іх збіраюцца пераняць і беларусы. Для ўнясення ў «Чорную кнігу» прычыны мусяць быць важкімі, сцвярджае загадчык лабараторыі гідрабіялогіі Навукова-практычнага цэнтру па біярэсурсах Нацыянальнай акадэміі навук Віталь Сяменчанка. Пры акадэміі дзейнічае цэнтр па вывучэнні інвазіўных відаў, які кантралюе арэалы чужародных відаў і фіксуе з’яўленне новых.
Чытайце таксама: Не мела баба клопату — завяла краба: топ-5 перасяленняў прадстаўнікоў флоры і фаўны
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары