Віцебскім гарадскім аддзелам Следчага камітэта расследуецца крымінальная справа на падставе артыкула «Хуліганства», распачатая ў 2013 годзе ў дачыненні да жыхара Віцебска.
Як паведаміла афіцыйная прадстаўніца ўпраўлення СК па Віцебскай вобласці Іна Гарбачова, следствам устаноўлена, што 16 лістапада 2013 года мужчына 1964 года нараджэння быў змешчаны ў медыцынскі выцвярэзнік УУС Віцебскага аблвыканкама за ўчыненне адміністрацыйнага правапарушэння. Знаходзячыся ў палаце, ён, грэбуючы ўстаноўленымі правіламі паводзін і выказваючы яўную непавагу да прысутных, агаліў свае палавыя органы, пасля чаго неаднаразова ўчыніў супрацьпраўныя дзеянні сексуальнага характару ў дачыненні да мужчыны, які спаў. Пасля вызвалення з медыцынскага выцвярэзніка мужчына з мэтай пазбегнуць адказнасці ўцёк. У студзені гэтага года ён быў затрыманы. З ім працуюць следчыя.
У матэрыялах справы ёсць відэазапіс учынення злачынства. Следствам дапытаны медыцынскі персанал, сведкі і пацярпелы. Праведзеныя шэраг аглядаў.
Канчатковая прававая ацэнка дзеянням падазронага будзе дадзеная паводле вынікаў аналізу атрыманых доказаў. Падазроны змешчаны пад варту.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары