У Венесуэле рыхтуюцца ўсталяваць у супермаркетах па ўсёй краіне каля 20 тыс. сканераў для счытвання адбіткаў пальцаў пакупнікоў.
Reuters.com
Адбіткі пальцаў будуць збірацца для таго, каб не даць пакупнікам скупляць паўсядзённыя тавары звыш устаноўленых урадам нормаў.
З мінулага года ў Венесуэле адзначаліся паўсюдныя перабоі ў пастаўках у магазіны самых элементарных тавараў, што спараджае доўгія чэргі ў крамах, калі нейкія тавары ўсё ж выкідаюцца на прылаўкі.
Прэзідэнт краіны Нікалас Мадура сцвярджае, што ў дэфіцыце вінаватыя спекулянты, якія прытрымліваюць тавар, каб узняць цэны.
У лютым у Венесуэле былі арыштаваныя ўладальнікі некалькіх сетак аптэк і прадуктовых магазінаў. Іх абвінавацілі ў штучным стварэнні чэргаў шляхам адкрыцця недастатковай колькасці кас.
Таксама Мадура сцвярджаў, што кантрабандысты з суседняй Калумбіі скупляюць тавары па кантраляваным цэнах у дзяржаўных крамах прыгранічных раёнаў.
Недахоп базавых харчовых тавараў і лекаў узмацняе незадаволенасць венесуэльцаў і каталізуе частыя і масавыя акцыі пратэсту, якія нярэдка сканчаюцца гвалтам.
Эканамічныя праблемы Венесуэлы пагаршаюцца падзеннем сусветных цэнаў на нафту, з-за якога курс нацыянальнай валюты з лістапада ўпаў амаль на 50%, а магчымасці закупляць прадукты за мяжой, адпаведна, скараціліся.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро11
Каментары