19 сакавіка – дыскусія «Краёвая ідэя: пераацэнка палітычнага і культурнага значэння»
Інстытут «Палітычная сфера» і Беларускі Калегіюм пры падтрымцы Польскага Інстытута ў Мінску запрашаюць на дыскусію і прэзентацыю анталогіі краёвай думкі.
Дыскусія «Краёвая ідэя: пераацэнка палітычнага і культурнага значэння» з удзелам аднаго з першых даследчыкаў краёвай ідэі – Яна Юркевіча, прафесара Познаньскага ўніверсітэта (Польшча) – адбудзецца 19 сакавіка а 18.30 у гатэлі «Манастырскі» (вул. Кірылы і Мяфодзія, 6).
Акрамя Я. Юркевіча ў дыскусіі прымуць удзел вядомыя беларускія даследчыкі: Алесь Смалянчук, Андрэй Казакевіч, Алесь Пашкевіч, Ігар Бабкоў.
Падчас абмеркавання плануецца закрануць пытанні: Якое месца краёвая ідэя займае ў палітычнай і інтэлектуальнай гісторыі рэгіёну? Якія асноўныя палітычныя і культурныя ідэі развіваліся краёўцамі? Як спадчына краёвай ідэі выкарыстоўваюцца ў культурнай прасторы і палітычным жыцці Беларусі, Літвы і Польшчы? Якія аспекты краёвай ідэі захоўваюць сваё значэнне сёння?
Дыскусія будзе спалучана з прэзентацыяй электроннай версіі выдання «Анталогіі краёвай ідэі: пачатак ХХ ст.», падрыхтаванай Інстытутам «Палітычная сфера».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары