Пчолкі і Віні-Пух: эратычны расійскі танец выклікаў ажыятаж і пытанні ВІДЭА
Сёння ў Інтэрнэце актыўна абмяркоўваецца шакуючы выступ школы танца «Крэда» ў Арэнбургу. На справаздачным канцэрце школы, які адбыўся ў канцы студзеня, дзяўчаты паказалі нумар «Пчолкі і Віні-Пух».
Танец пчолак пастаўлены ў папулярным апошнім часам стылі «Твёрк». Стыль гэты увайшоў у моду пасля таго, як на адной з цырымоній MTV падобны танец выканала амерыканская спявачка Майлі Сайрус. У расійскай благасферы асаблівы рэзананс выклікалі касцюмы арэнбургскіх паслядоўніц Майлі Сайрус, паведамляе тэлеканал Дождь.
Пад вечар расійскія СМІ звязаліся з кіраўніком танцавальнай школы Вікторыяй Якавенка, паведамляе Бі-Бі-Сі. Якавенка пацвердзіла, што сярод дзяўчат у касцюмах пчолак былі непаўналетнія, аднак усе яны займаюцца танцамі са згоды бацькоў, для якіх і выступалі ў той вечар.
«Што да шуму, то гэта кірунак танца цяпер вельмі папулярны, і ў сетцы можна знайсці куды больш адкрытыя ролікі», - сказала яна выданню LifeNews.
Яна звярнула ўвагу на тое, што відэа было апублікавана на YouTube без згоды дзяцей і бацькоў, і заклікала асобна праверыць гэты факт.
Паводле інфармацыі расійскіх СМІ, «пчолкамі» таксама зацікавіліся ў адміністрацыі Арэнбурга і мясцовай пракуратуры.
Акрамя Booty Dance, у Арэнбургскай школе «Крэда» дзяўчат навучаюць брэйкдансу, усходнім і эратычным танцам (Strip Dance). Запісацца ў школу могуць як дзеці, так і дарослыя.
Каментары