Кіраўнік NASA: Рана ці позна чалавецтву прыйдзецца пакінуць Зямлю
Кіраўнік NASA Чарльз Болдэн распавёў кангрэсу ЗША аб планах агенцтва па далейшым асваенні космасу і каланізацыі Марса. Паводле яго слоў, аэракасмічнае ведамства па-ранейшаму разлічвае на тое, што да 2030 года чалавецтва высадзіцца на Чырвонай планеце, піша Engadget.
Болдэн лічыць, што ў будучыні чалавецтву так ці інакш прыйдзецца пакінуць Зямлю, а Марс з'яўляецца найбольш зручнай планетай для каланізацыі і перасялення.
Кіраўнік ведамства таксама нагадаў кангрэсу аб планах NASA па вывадзе на арбіту Месяца астэроіда, які стане своеасаблівай базай для адпрацоўкі новых касмічных тэхналогій. Менавіта на гэтым «перавалачным пункце» ведамства плануе ў будучыні выпрабаваць абсталяванне, неабходнае для палёту кіраванага касмічнага карабля да Марса.
Таксама Болдэн агучыў меркаванне NASA з нагоды прыватных касмічных кампаній накшталт SpaceX і Mars One і іх планаў аб каланізацыі Чырвонай планеты. «Ніводная прыватная кампанія не з'яўляецца канкурэнтам NASA. Яны не змогуць ажыццявіць палёт на Марс без падтрымкі нашага ведамства і дзяржавы», — заявіў кіраўнік касмічнага ведамства.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары