(01.11.1973—19.04.2015). Уладзімер памёр абсалютна раптоўна — на выходных, паехаўшы ў пасёлак Нарач, каб наведаць магілы дзядулі і бабулі.
На 42-м годзе памёр Уладзімер Банько (Вова Банкер, Ярыла Пшанічны). Ён стварыў музычны праект «Барадаты Грынвіч», быў паэтам, графікам, перформерам. Удзельнічаў у анархісцкім руху. Быў беларусам ад сэрца.
У музычных колах ён быў вядомы як Вова Банкер, у паэтычных — як Ярыла Пшанічны.
Уладзімер памёр абсалютна раптоўна — на выходныя паехаў з Мінска ў пасёлак Нарач (Кабыльнік), каб наведаць магілы дзядулі і бабулі, піша Tuzin.fm. Папярэдняя прычына смерці — адарваўся тромб, кажуць сябры памерлага.
Нарач. Апошняе фота, якое нябожчык змясціў у сваім Фэйсбуку за дзень да смерці, 18 красавіка.
«Я проста ў шоку, так рана сысці… Вову я ведаў з часоў гурту «Барадаты Грынвіч», фэсту «Сіні Перац», з тых часін пранікліся адзін да аднаго, апошнія гады выступалі разам. Не магу паверыць, што яго няма з намі», — кажа лідар гурту «Князь Мышкін» Леанід Нарушэвіч.
«Пахаванне пройдзе 21 красавіка а 14.00 там на Нарачы, дзе ляжаць яго продкі. Вова, будзь спакойным. Мы любім цябе», — зазначае Дзмітры Ладзес.
Шакаваныя сябры Банкера пішуць цёплыя словы ў ягоную стужку на Фэйсбуку.
«Пайшоў у вечнасць файны, заўсёды аптымістычны чалавек», — піша Серж Мінскевіч.
«Бывай, слаўны Мершбоў…» — піша Весялін Румянцаў.
«Валодзя думаў пра новую кнігу, распавядаў пра сваю працу, звязаную са спадарожнікамі, хваліў сваю дачку, якая займаецца жывапісам, і хацеў, каб яна занялася камп’ютарным дызайнам», — піша Зміцер Вішнёў.
«Збіраліся разам на выходныя паехаць да мяне на Лысую Гару, па «вінілы», не сабраліся. Апошнія фота Вовы Банкера з Нарачы: https://www.facebook.com/vabanker?fref=ts. Вечная памяць, Валодзя Банько, легендарны паэт-трыбун, анархіст, музыка, мастак. Арт-правакатар, мадэратар, аматар перфомансаў. Аўтар унікальнай кнігі вершаў на трасянцы «Пішчавыя лішкі»», — так піша пра яго Сяржук Сыс.
Банкер выступаў у складзе экспрыментальных музычных праектаў Karaoke Vomit, Roomdark, «Барадаты Грынвіч», «Князь Мышкін».
Апошнія рэлізы Банкера – Roomdark – Frothiness і Golova & Roomdark – Snow
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары