Чакаецца, што з пасланнем да парламента і народа Аляксандр Лукашэнка выступіць 29 красавіка, паведамляе БелаПАН.
Раней выказваліся здагадкі, што пасланне будзе агучана 22 красавіка, але затым гэта не пацвердзілася, а ў гэты дзень кіраўнік беларускай дзяржавы адбыў з першым афіцыйным візітам у Грузію.
Лукашэнка штогод выступае з пасланнем. На мерапрыемства запрашаюцца вышэйшыя службовыя асобы краіны, члены ўрада, кіраўнікі органаў дзяржаўнага кіравання, найбуйнейшых прадпрыемстваў, прадстаўнікі дыпламатычнага корпуса, сродкаў масавай інфармацыі.
Традыцыйна выступ кіраўніка дзяржавы з пасланнем транслююць у прамым эфіры па тэлеканале «Беларусь 1» і Першым нацыянальным канале Беларускага радыё. Тэлеверсія паслання дублюецца ў вячэрнім эфіры беларускіх тэлеканалаў.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары