Беларуская чыгунка пусціць з Мінска ў Гомель больш умяшчальныя цягнікі
Беларуская чыгунка з 23 ліпеня павялічвае колькасць месцаў у цягніках міжрэгіянальных ліній бізнэс-класа, якія курсіруюць па маршруце Мінск — Гомель — Мінск. Для гэтага цягнікі будуць хадзіць здвоенымі саставамі.
Здымак ілюстрацыйны. Фота: Office Life
Ужо з 23 ліпеня ў такім фармаце пачне курсіраваць цягнік № 708 Мінск — Гомель. З 24 ліпеня здвоенымі саставамі будуць таксама хадзіць цягнікі № 707 Гомель — Мінск і № 709/710 Мінск — Гомель — Мінск.
У далейшым рух здвоеных цягнікоў будзе арганізаваны па наступным графіку:
- па чацвяргах — цягнік № 708 Мінск — Гомель;
- па пятніцах, суботах і нядзелях — цягнікі № 708/707 і № 709/710;
- па панядзелках — цягнік № 707 Гомель — Мінск.
Такое рашэнне прынята для павелічэння колькасці даступных месцаў на найбольш запатрабаваным маршруце.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары