Амерыканскія ваенна-марскія сілы — самыя моцныя ў свеце, і менавіта яны забяспечваюць магчымасці ЗША па вядзенні баявых дзеянняў у любым кутку свету. Цяпер у складзе ВМС ЗША 5 флатоў, якія кантралююць акіяны планеты, і на чале аднаго з іх можа ўпершыню ў гісторыі стаць жанчына.
Нора Тайсан на барту авіяносца «Джордж Буш»
Прэзідэнт ЗША Барак Абама прапанаваў віцэ-адмірала Нору Тайсан на пасаду камандуючага 3-м флотам ЗША, які забяспечвае абарону дзяржавы як у Ціхім, гэтак і ў Атлантычным акіяне.
Цяпер кандыдатуру мусіць зацвердзіць Сенат ЗША.
Тайсан пайшла на флот пасля вучобы ў унівэрсітэце ў 1983 годзе. Служыла ў марской авіяцыі, потым камандвала ўнівэрсальным дэсантным караблем «Батаан». У 2007 годзе стала камандуючым тылу 7 аператыўнага флоту ЗША, у 2010-м узначаліла 2-ю авіяносную ўдарную групу. Зараз яна з'яўляецца намеснікам начальніка Камандвання сіл флоту ЗША.
Тайсан, якой зараз каля 57 год, удзельнічала ў аперацыях у Іраку і Афганістане, куды самалёты марской авіяцыі пад яе камандваннем зрабілі тысячы баявых вылетаў.
-
Джыл Байдэн заявіла, што падчас няўдалых перадвыбарчых дэбатаў з Трампам ёй падалося, быццам у яе мужа проста на сцэне здарыўся інсульт
-
Бранявік з кулямётам і верталёт у небе. Ахову Пуціна ў Астане беспрэцэдэнтна ўзмацнілі
-
Кітай з дапамогай штучнага інтэлекту ператварае сваю сістэму назірання ў інструмент «прагнастычнага» кантролю
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала21
Каментары