Упраўленнем Следчага камітэта па Мінскай вобласці завершанае следства ў дачыненні да сямейнай пары, якія арганізавалі парнастудыю пры дапамозе інтэрнэту, паведаміла БелаПАН афіцыйны прадстаўнік УСК Таццяна Беланог.
Нагадаем, 25-гадовая грамадзянка Расіі, якая мае права на жыхарства ў Беларусі, сумесна з 31-гадовым мужам з мэтай атрымання грашовага ўзнагароджання ў перыяд з чэрвеня па снежань 2014 года арганізавалі распаўсюджванне і рэкламаванне парнаграфічных матэрыялаў і відарысаў у інтэрнэце.
Устаноўлена, што ўвесь працэс злачыннай дзейнасці адбываўся ў арандаванай кватэры ў Мінску. Жанчына наймала дзяўчат, якія за грошы выконвалі любыя просьбы па задавальненні сексуальных патрэбаў карыстальнікаў інтэрнэту ў рэжыме анлайн.
Следствам устаноўленыя 14 дзяўчат, якія працавалі ў студыі, а таксама прыблізна 20 дзяўчат, якіх абвінавачваная спрабавала завербаваць. Мужчына займаўся тэхнічным абслугоўваннем камп`ютарнага абсталявання, тэхнікі, якая забяспечвае віртуальныя зносіны карыстальнікаў інтэрнэту. Грошы ад кліентаў пералічваліся абвінавачаным на аформленыя на падстаўных асоб плацежныя карты замежных банкаў.
У межах следчых дзеянняў праведзеныя вобыскі, падчас якіх выяўленая і канфіскаваная камп`ютарная тэхніка, мабільныя тэлефоны і іншыя доказы злачыннай дзейнасці абвінавачаных. Да матэрыялаў крымінальнай справы далучаныя вынікі мастацтвазнаўчай экспертызы, на падставе якіх трансляваныя матэрыялы прызнаныя парнаграфічнымі.
Паводле вынікаў расследавання дзеянні абвінавачаных кваліфікаваныя на падставе ч. 2 арт. 343 КК (выраб, распаўсюджванне і рэкламаванне парнаграфічных матэрыялаў і відарысаў групай асоб паводле папярэдняй змовы з выкарыстаннем глабальнай камп`ютарнай сеткі інтэрнэт).
Мера стрымання ў дачыненні да абвінавачаных з моманту іх затрымання не змянялася — яны знаходзяцца пад вартай.
Крымінальная справа перададзеная ў пракуратуру для накіравання ў суд.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары