Рэдактар «Газеты выборчай» заклікаў падтрымаць Браніслава Камароўскага ў другім туры выбараў.
«Я памятаю эпоху панавання Яраслава Качыньскага і «Закона і справядлівасці», — засцерагае Міхнік. — Я памятаю усёўладдзе спецслужбаў, правакацыі паліцыі, камеры, устаноўленыя ў доктарскіх кабінетах. Гэта быў час, калі Польшча была ў стане падазронасці і страху», — піша рэдактар «Выборчай».
У выпадку перамогі Дуды той час вернецца, піша ён.
Урад Качынскіх надаваў вялікую ўвагу барацьбе з карупцыяй і выкрыццю «ўкладаў» — перапляцення палітыкі з бізнэсам. Часам гэта прыводзіла да перахлёстаў.
«Галасы за Паўла Кукіза паказваюць, што многія з нас хочуць замяніць дэмакратычныя працэдуры натоўпам на рок-канцэрце. У Паўла Кукіза столькі ж супольнага з прэзідэнтам Польшчы, як у мяне з Элвісам Прэслі», — жорстка піша рэдактар «Газеты выборчай», адзін з ветэранаў былой антысавецкай апазіцыі Адам Міхнік.
Кукіз збудаваў сваю перадвыбарчую кампанію на крытыцы цяперашняга ліберальнага істэблішменту, да якога належыць і Міхнік.
«Для такой бязрадаснай будучыні — шкада Польшчы», — піша Міхнік. І заклікае аб'яднацца вакол кандыдатуры Камароўскага.
У першым туры выбараў Кукіз перамог сярод моладзі да 29 гадоў. За Камароўскага галасавалі выбарцы ад 30 да 39 гадоў. Людзі, старэйшыя за 40, аддалі свае галасы за Дуду.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным24
Каментары