Адвакат экс-дырэктара «Барысаўдрэва»: Мальцаў трапляе пад амністыю
Экс-дырэктар «Барысаўдрэва» Уладзімір Мальцаў трапляе пад амністыю ў гонар 70-годдзя Перамогі. Калі ён выйдзе на волю, вырашыць адміністрацыя Магілёўскай папраўчай калоніі №15, дзе цяпер знаходзіцца Мальцаў. Пра гэта паведаміў ягоны адвакат Дзмітрый Гарачка.
У рамках праекта Закона «Аб амністыі ў сувязі з 70-годдзем Перамогі ў Вялікай Айчыннай вайне 1941—1945 гадоў» мяркуецца вызваліць ад крымінальнага пакарання 8,6 тыс. асуджаных, у тым ліку з месцаў пазбаўлення волі — 2,2 тыс. чалавек.
У Магілёўскую калонію Мальцава этапавалі 29 красавіка. У сваіх лістах сям'і ён папрасіў іх трымацца і адзначыў, што хутка будзе з імі. Таксама распавёў, што пасля прыбыцця ў калонію яго пастрыглі. Цяпер Мальцаў знаходзіцца на «каранціне» (перыяд, калі асуджаны трапляе ў заключэнне і праходзіць медыцынскае абследаванне).
— Ён разумее, што мы напакутаваліся за гэты час - і я, і дзеці. Чакае, калі будзе з намі і гэта забудзецца, як страшны сон, — кажа жонка Алена Мальцава.
***
17 красавіка Вярхоўны суд змяніў прысуд Уладзіміру Мальцаву, скараціўшы тэрмін абмежавання волі і адмяніўшы шкоду, нанесеную дзяржаве. Такім чынам, яго прызналі вінаватым па ч. 2 арт. 424 (Злоўжыванне ўладай або службовымі паўнамоцтвамі). Прысудзілі да 2 гадоў і 6 месяцаў пазбаўлення волі з адбываннем пакарання ў папраўчай калоніі агульнага рэжыму з пазбаўленнем права займаць кіруючыя пасады тэрмінам на тры гады.
На падставе закона аб амністыі ад 17 чэрвеня 2014 тэрмін асноўнага пакарання скарацілі на 1 год. Калі Вярхоўны суд у красавіку гэтага года змяніў прысуд, Мальцаў ужо знаходзіўся ў зняволенні 1 год і 1 месяц, і яму заставалася быць у зняволенні 5 месяцаў.
20 «аналітыкам Ціханоўскай» прысудзілі гіганцкія завочныя тэрміны. Больш за ўсіх — Дабравольскаму7
20 «аналітыкам Ціханоўскай» прысудзілі гіганцкія завочныя тэрміны. Больш за ўсіх — Дабравольскаму
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка24
Расійскі вайсковец планаваў узарваць будаўнічую краму ў Парыжы. Але падарваўся на ўласнай выбухоўцы1
«Самы цымус»: гісторык напісаў кнігу пра тое, як абаранкі скарылі Амерыку, а дранікі сталі і яўрэйскай стравай 11
Каментары