Кубінскі лідар Рауль Кастра заявіў па завяршэнні аўдыенцыі ў Папы Францішка ў Ватыкане, што вельмі ўражаны сустрэчай з пантыфікам і думае нават пра тое, каб зноў пачаць маліцца Богу.
«Я зноў пачну маліцца і вярнуся ва ўлонне царквы, калі Папа працягне сваю службу з такой жа стараннасцю», — сказаў Кастра.
Рауль Кастра, таксама, як і яго родны брат Фідэль, у дзяцінстве быў ахрышчаны ў каталіцкую веру, аднак пасля рэвалюцыі на Кубе пачаліся ганенні на царкву.
Кубінскі прэзідэнт правёў афіцыйную сустрэчу ў Ватыкане з Папам Францішкам для таго, каб падзякаваць таму за дапамогу ў аднаўленні адносін паміж Кубай і ЗША.
Наколькі вядома, рымскі пантыфік сыграў важную ролю ў сакрэтных перамовах паміж Гаванай і Вашынгтонам, у выніку якіх у снежні было абвешчана пра аднаўленне дыпламатычных адносін паміж ЗША і Кубай.
«Я падзякаваў Папу за ўсё, што ён зрабіў для нас», — заявіў Рауль Кастра пасля завяршэння сустрэчы ў Ватыкане.
Назіральнікі адзначаюць, што аўдыенцыя доўжылася амаль гадзіну, што незвычайна для нядзельнага пратаколу Папы.
Рымскі пантыфік добра знаёмы з Кубай, у мінулым ён напісаў кнігу пра адносіны паміж каталіцкай царквой і камуністычнымі ўладамі вострава. Ён збіраецца з візітам на Кубу ў верасні і стане трэцім Папам, які наведае Кубу — пасля Яна Паўла II ў 1998 годзе і Бенедыкта XVI у 2012 годзе.
Прэзідэнт Кастра зрабіў прыпынак у Рыме, вяртаючыся са святкаванняў дня Перамогі ў Маскве.
Апошні раз Рауль Кастра быў у Ватыкане ў 1997 годзе, калі займаў пасаду міністра абароны. Тады ён рыхтаваў гістарычны візіт Яна Паўла II у Гавану.
-
Прапагандысты посцяць фота пра «раскошнае жыццё» прэм'еркі Эстоніі пры СССР. Аказалася, што здымак зроблены ў сярэдзіне 90-х
-
Дзмітрый Гардон атрымаў 14 гадоў калоніі ад расійскага суда — у тым ліку за зварот да беларусаў
-
Расійскі вайсковец планаваў узарваць будаўнічую краму ў Парыжы. Але падарваўся на ўласнай выбухоўцы
Памятаеце «паспяховую мільянерку» Зарэцкую? Выглядае, што яе кампанія — усё26
Каментары