Свет

Стваральніка наркарынку ў «цёмным вэбе» прысудзілі да пажыццёвага зняволення

Рос Ульбрыхт «думаў, што робіць нешта правільнае».

Рос Ульбрыхт. Малюнак з суду

Заснавальнік Silk Road, наркарынку ў схаванай частцы інтэрнэту («dark web»), 31-гадовы Рос Ульбрыхт, атрымаў два пажыццёвых зняволенні без права на ўмоўна-датэрміновае вызваленне, паведамляе Wall Street Journal. Таксама ён атрымаў пяць год за хакерства, 15 за продаж фальшывых дакументаў і 20 за адмыванне грошай.

Silk Road дазваляў пры пэўных тэхнічных навыках ананімна гандляваць наркотыкамі ў інтэрнэце. Асноўнай масай тавараў былі псіхатропныя рэчывы, таксама прадаваліся забароненыя кнігі, парнаграфія, зброя.

Ульбрыхт быў затрыманы ў 2013 годзе ў Сан-Францыска. Каб даказаць яго віну, затрыманне арганізавалі так, каб ён не паспеў захлопнуць крышку ноўтбука. У ноўтбуку следства знайшло доказы сувязі Ульбрыхта і інтэрнэт-персанажа пад нікнэймам «Жахлівы пірат Робертс».

Хаця Silk Road існаваў у сетцы Tor, што практычна гарантуе ананімнасць, у следчых атрымалася выявіць IP-адрас Ульбрыхта праз уцечку часткі звестак у сэрвісе «праверкі на робата» reCAPTCHA на сайце наркарынку.

Сайт Silk Road быў заснаваны ў 2011 годзе ў «цёмным вэбе» на домене.onion. Ён дазваляў размяшчаць абвесткі аб продажы і пакупцы забароненых у свеце тавараў ды разлічвацца ананімнай валютай — біткоінамі. Абарот на 2012 год ацэньваўся ў 1,2-1,9 млн даляраў на месяц.

Перад вынясеннем прысуду Ульбрыхт прызнаў сваю віну, але прасіў не даваць яму пажыццёвага зняволення.

Яго ліст да суддзі перадае TJournal.

У лісце Ульбрыхт піша, што рабіў сайт не дзеля прыбытку. «Я стварыў Silk Road, бо думаў, што сама ідэя сайту мае значэнне. І што запусціўшы яго, я раблю нешта правільнае, — пісаў ён. — Я верыў у той час, што людзі маюць права прадаваць і купляць усё, што заўгодна, да тых часоў, пакуль не наносяць шкоды іншым».

Рос Ульбрыхт да затрымання. Фота з сайта wccftech.com

Ён піша, што асэнсаваў памылковасць сваіх поглядаў на тое, як варта даваць людзям свабоду прымаць вырашэнні. Паводле слоў Ульбрыхта, ён «ніколі не хацеў ствараць сайт, што стаў бы яшчэ адным сродкам задаволіць залежнасць».

У прамове суддзя Кэтрын Форэст растлумачыла, што Ульбрыхт — «незвычайны злачынца». «Вы вельмі адукаваны чалавек. У вас дзве вышэйшыя адукацыі, добрая сям'я і 98 чалавек аказаліся гатовыя напісаць мне лісты ў вашу абарону. І ўсё ж вы тут. І вы злачынец», — сказала яна. З яе слоў можна зразумець, што прысуд Ульбрыхту мае прадэманстраваць строгасць закону іншым, у каго могуць узнікнуць падобныя ідэі.

Пасля затрымання Ульбрыхта і закрыцця Silk Road у хуткім часе ў «цёмным вэбе» ўзнікнуў сэрвіс Silk Road 2.0 і шэраг аналагаў. Мяркуецца, што яны маюць ужо меншую папулярнасць. Але набыць наркотыкі ды іншыя забароненыя тавары праз даркнэт усё яшчэ можна, нават на тэрыторыі Беларусі.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць