Расшыфроўка «чорных скрыняў» ня выявіла прычын аварыі самалёта ў Ерэване.
«Расшыфроўка бартавых самапісцаў, якая праводзілася ў Маскве з‑за адсутнасці ў Арменіі падобных умоў, выявіла, што рухавікі самалёта працавалі нават пасля таго, як борт перакуліўся, гаручага ў баках таксама было дастаткова», — сказаў ён.
Паводле слоў спецыяліста, пасля расшыфроўкі самапісцаў у Маскве яны будуць адпраўленыя ў Канаду для спецыяльнай апрацоўкі па пэўных матэматычных формулах, пасля чаго высновы будуць прадстаўленыя спецыяльнай камісіі па расследаванні прычын аварыі.
Нагадаем, 14 лютага ў 2.19 па мінскім часе ў ерэванскім аэрапорце Звартноц пры вылеце самалёта CRJ‑100LR Нацыянальнай авіякампаніі «Белавія» рэйсам В2‑1834 Ерэван — Мінск адбылася аварыя. Паветранае судна разбурана, часткова згарэла. На яго борце знаходзілася 18 пасажыраў і тры члены экіпажа. Пасажыры з\’яўляюцца грамадзянамі Беларусі, Арменіі, Грузіі, Расіі і Украіны. Ахвяр няма. У камісію па расследаванні прычын аварыі ўваходзяць 22 чалавекі: 10 армянскіх спецыялістаў, 10 беларускіх і два прадстаўнікі Міжнароднага авіяцыйнага камітэта.
Цяпер чытаюць
Круты прызнаўся Лукашэнку, што акупнасць Беларусьфільма — 3%1
Каментары