Лідар літоўскіх кансерватараў і еўрапарламентарый Габрыэлюс Ландсбергіс, які цяпер знаходзіцца ва Украіне, прапануе Украіне, Малдове і Грузіі стварыць сумесны ваенны батальён.
«Мы самі перад уступленнем у НАТО актывізавалі рэгіянальнае супрацоўніцтва, стварылі батальёны: Літвы і Польшчы, Літвы, Латвіі і Эстоніі. І я мяркую, што падобным чынам маглі б супрацоўнічаць і Украіна, Малдова і Грузія, даказваючы тым самым, што дзяржавы здольныя глядзець шырэй, не толькі ў плане сваіх нацыянальных інтарэсаў, што яны здольныя дамовіцца паміж некалькімі дзяржавамі», — сказаў Ландсбергіс у пятніцу радыёстанцыі Ziniu radijas.
Паводле яго слоў, ён абмяркоўваў гэтую ідэю з міністрам замежных спраў Украіны. Ён лічыць, што Літва магла б стаць прыкладам і падзяліцца сваім досведам. Ландсбергіс у пятніцу сустрэнецца з прэзідэнтам Украіны Пятром Парашэнкам.
Украіна, Малдова і Грузія ўдзельнічаюць у праграме Еўрасаюза «Усходняе партнёрства» і сцвярджаюць, што адчуваюць ціск з боку Расіі.
Мінскія ўлады расказалі, як будуць змагацца з «акіянам аўтамабіляў» у дварах2
Каментары