Лукашэнка: Цягам года-двух мы вернемся на той узровень заробкаў, які быў учора
«Ведаючы, што не можам павышаць зарплаты, мы сталі рэгуляваць цэны, — паведаміў Аляксандр Лукашэнка падчас інтэрв'ю прадстаўнікам трох недзяржаўных сродкаў масавай інфармацыі. — І па многіх пытаннях, дзе дзяржава рэгулюе цэны, мы іх замарозілі фактычна. Сітуацыя складваецца такім чынам, што мы зарплаты павышаць не можам. Мы прывязалі зарплату да аб'ёмаў вытворчасці.
Калі няма вытворчасці, то і заробак павышаць няма за што. Грошы друкаваць мы не будзем.
Я ўпэўнены, што на працягу года-двух мы вернемся на той узровень заробкаў, які быў учора. Нават калі сітуацыя на нашых традыцыйных рынках будзе такой жа, як цяпер».
На заўвагу, што заробкі не выраслі ў далярах, Лукашэнка адказаў: «Вы ж не за даляры купляеце прадукты і адзенне ў Беларусі. Я не аспрэчваю ваш тэзіс. Вы сказалі, што ў рублях заробак ў нас вырас, а вось у далярах скараціўся. Вы заўважылі, што не мы былі ініцыятарамі 30%-й дэвальвацыі. Гэта адбылося на нашых рынках: спачатку ў Расіі, потым у Казахстане. Мы не маглі з гэтай прычыны утрымліваць валюту. Таму мы не стрымліваем, ніякіх інтэрвенцый Нацбанка няма. Як складваецца курс, так і ёсць. І так будзе заўсёды».
Каментары