Пратэсты супраць зносу мінскага Сельгаспасёлку працягваюцца. ВІДЭА сустрэчы жыхароў з чыноўнікамі
4 жніўня, ў актавай зале мінскай школы № 178, прайшлі грамадскія слуханні па справе зносу прыватных дамоў Савецкага раёна.
Прычынай спрэчкі паміж уладай і жыхарамі стала будаўніцтва новых высокапавярховых жылых дамоў на сённяшняй тэрыторыі прыватнага сектара. Пры гэтым самім жыхарам улада прапануе альбо шматпавярховік на Бангалор, або прыватныя дамы па-за межамі Мінска.
Уладу на слуханнях прадстаўлялі:
Санкоўская Алла Уладзіміраўна — першы намеснік кіраўніка адміністрацыі Савецкага раёну г. Мінска
Лучыновіч Павал Сяргеевіч — старшыня Камітэту архітэктуры і градабудаўніцтва Мінгарвыканкама
Акенцьеў Аляксандр Рыгоравіч — галоўны архітэктар УП «Мінскграда» і інш.
На сходзе былі не толькі жыхары дамоў, якія збіраюцца знесці, а таксама неабыякавыя людзі, якія прыйшлі адстойваць правы сваіх суседзяў.
Наша Ніва публікуе самыя гарачыя моманты слуханняў:
Слуханні ішлі цягам трох гадзін і ў выніку абодва бакі ні да чаго не прыйшлі. Людзям надакучыла слухаць адно і тое ж, таму адны сышлі, другія падняліся на сцэну да прадстаўнікоў улады, каб неадкладна атрымаць адказ.
Шматкватэрныя дамы ўгрызаюцца ў раён прыватнай забудовы ў «цэнтры поўначы Мінска» з розных бакоў. Апошнія дзесяцігоддзі гмахі раслі і з боку вуліцы Багдановіча, і на Бяды, і ад Усходняй.
Ад 1980-х жыхарам шматлікіх кварталаў Сельгаспасёлка абяцалі знос, і цягам наступнага паўгода новы вялікі праект. Яшчэ на 11 гектараў пачнуць будаваць 15 шматпавярховак рознай канфігурацыі.
Пад знос гэтым разам трапляюць больш за 300 прыватных падворкаў. Гэтым людзям абяцаюць рассяленне.
Аднак большая частка жыхароў катэгарычна не жадаюць з'язджаць з наседжанага месца і гатовыя змагацца за права заставацца на сваёй зямлі або дамагчыся добрай кампенсацыі.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары