Бабруйскія следчыя перадала пракурору для накіравання ў суд справу двух бабруйчан, якіх падазрае ў вымаганні, рабаванні з ужываннем гвалту і выкарыстанні рабскай працы.
Больш за пяць год злачынцы патрабавалі ад мужчыны грошы, пагражалі цялеснымі пашкоджаннямі, прымушалі яго да бясплатнай працы. Прычынай стала неабачлівае выказванне мужчыны адносна мясцовай крымінальнай супольнасці.
Што цікава, злачынцы не з’яўляліся сябрамі групоўкі, адносна якой выказваўся мужчына.
Аферысты патрабавалі ў ахвяры вырабіць помнік (цаной не менш за 600 даляраў) на магілу бацькі аднога з іх, прадставіць ім выпіўку і прадукты харчавання, браць на сваё імя крэдыты на бытавую тэхніку (банкі ў крэдытах адмаўлялі). Пасля патрабавалі з яго няісны доўг, вымушалі падпісаць распіскі ў тым, што пацярпелы пазычаў у іх грошы. Пра свае патрабаванні яны нагадвалі гвалтам і пагрозамі расправы. Затым сталі прымушаць і да бясплатнай працы. Акрамя таго, адзін з абвінавачаных скраў у пацярпелага торбу.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні7
Каментары