Пад Навагрудкам мясцовы бізнесмен пабудаваў незвычайны аўтобусны прыпынак ФОТАФАКТ
Побач з возерам Літоўка і аднайменнай вёскай у Навагрудскім раёне знаходзіцца, магчыма, найпрыгажэйшы ў Беларусі аўтобусны прыпынак. Прадпрымальнік Сяргей Коваль, які будуе па суседстве дом, аформіў яго па матывах знакамітай паэмы Адама Міцкевіча «Гражына».
Літоўка знаходзіцца ўсяго за 2,5 км ад раённага цэнтра і гараджане масава прыязджаюць сюды ў выходныя. Спыняюцца паглядзець на прыпынак і турыстычныя аўтобусы.
Прыпынак зроблены з каменя і дрэва, накрыты чаротам. На сцяне — завяршальны фрагмент паэмы Міцкевіча. Згодна з тэкстам, менавіта тут прайшла апісаная паэтам легендарная бітва паміж войскамі Навагрудскага князя Літавора і Тэўтонскім ордэнам, у якой пад выглядам князя ўдзельнічала яго жонка Гражына. Сама сцэна бітвы тут таксама намаляваная. З іншага боку — стылізаваная карта Беларусі.
На ініцыятыву прадпрымальніка звярнулі ўвагу і мясцовыя ўлады. У чэрвені менавіта тут, на берагах Літоўкі, праходзіў раённы Дзень моладзі, а прыпынак стаў імправізаванай сцэнай.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары