Ярмошына пра Караткевіч: Спадзяюся, што гэтая баба выстаіць і яны яе не затравяць
На думку старшыні ЦВК, такая «незалежная» праверка здадзеных прэтэндэнтамі ў прэзідэнты подпісаў правакуе «раздрай» у грамадстве.
Пры жаданні можна звярнуцца да пракурора, каб праверыў, ці няма ў стварэнні такой камісіі перавышэння паўнамоцтваў. Так старшыня Цэнтрвыбаркама Лідзія Ярмошына каментуе Еўрарадыё намер шэрагу дэмакратычных структур стварыць незалежную камісію, каб праверыць сапраўднасць здадзеных за Таццяну Караткевіч подпісаў.
«Гэта несусветнае глупства і ўвогуле гэта — парушэнне закона. Пры жаданні можна пракурора спытацца, ці няма тут перавышэння якіх паўнамоцтваў. Людзі замахваюцца на тое, што замацавана Канстытуцыяй — што выбары ў нас у краіне праводзяць выбарчыя камісіі. А тут дэманстратыўна паказваюць: не, ёсць яшчэ нейкія арганізацыі, якія маюць права падмяняць выбарчыя камісіі. І таму — хай не жартуюць так!».
Па словах старшыні ЦВК, праца такой камісіі не прывядзе да паразумення ўнутры апазіцыі. Наадварот, сам факт такой праверкі прынясе «раздрай і сумневы ў грамадства — нельга недаацэньваць палітычную хвалю на пустым месцы, якая можа ўзнікнуць». Ярмошына ўпэўненая, што трэба не займацца нейкімі праверкамі, а «радавацца таму, што кандыдатаў будзе больш». Стварэнне ж такой камісіі старшыня ЦВК лічыць дзеяннем, накіраваным на зрыў выбараў.
«Мне, шчыра кажучы, яе (Таццяну Караткевіч) шкада. Я спадзяюся, што гэтая баба выстаіць і яны яе не затравяць», — кажа Лідзія Ярмошына.
Нагадаем, ініцыятыўная група Таццяны Караткевіч здала 107 тысяч подпісаў. Іх праверкай займаюцца выбарчыя камісіі.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары