Украінскі грамадзянін Вадзім Безкаравайны заявіў, што не прызнае сябе вінаватым у падрыхтоўцы нападу на амбасаду Расіі ў Лондане.
У пятніцу Безкаравайны, які знаходзіцца ў зняволенні, паўстаў перад Цэнтральным крымінальным судом Лондана з дапамогай відэасувязі. Суддзя запытаў яго аб згодзе або нязгодзе з прад'яўленым абвінавачваннем.
Вадзім Безкаравайны на англійскай мове пацвердзіў сваё імя і заявіў, што не лічыць сябе вінаватым. На экране ён з'явіўся ў адзенні сіняга і жоўтага колераў.
33-гадовага жыхара англійскага горада Лутан абвінавачваюць у падрыхтоўцы тэрарыстычнага акту згодна з артыкулам 5 брытанскага закона аб барацьбе з тэрарызмам.
Паводле версіі пракуратуры, у перыяд з 27 студзеня па 15 сакавіка 2014 года украінец планаваў напад на расійскую амбасаду ў Лондане.
5 чэрвеня ў крымінальным судзе ў Олд-Бэйлі адбылося першае паседжанне па гэтай справе. Тады Безкаравайны, які ўдзельнічаў пры дапамозе відэасувязі, таксама з'явіўся ў адзенні колераў украінскага сцяга.
У амбасадзе Украіны ў Лондане сказалі, што Вадзім Безкаравайны не звяртаўся па консульскую дапамогу.
Разгляд справы па сутнасці павінен пачацца 2 лістапада ў Цэнтральным крымінальным судзе Лондана. Чакаецца, што працэс працягнецца 3-4 тыдні.
-
Танкер з саудаўскай нафтай прайшоў праз Армузскі праліў, нягледзячы на блакаду з боку Ірана
-
На Валыні 7 машын зладзілі пагоню за аўтамабілем вайскоўцаў і сілай адбілі прызыўніка
-
За тыдзень вайны з Іранам краіны Блізкага Усходу выкарысталі больш ракет Patriot, чым атрымала Украіна за чатыры гады вайны
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею7
Каментары