У Расіі злавілі за стырном 14-гадовага Ясона — сына дырэктара беларускай нафтавай кампаніі
У Стаўрапальскім краі Расіі праваахоўнікі спынілі таніраваны аўтамабіль «Мерседэс Е-200», за стырном якога быў 14-гадовы Ясон Алмазаў, сын генеральнага дырэктара мазырскай кампаніі «Захад-Транснафтапрадукт» Віталя Алмазава.
Увагу прыцягнула таніраваная іншамарка з маскоўскімі блатнымі нумарамі 001.
Брат затрыманага прапанаваў супрацоўнікам праваахоўнікам «вырашыць пытанне палюбоўна». «Ён жа не відавочна парушае», — патлумачыў ён. Пасля прыехала «група падтрымкі», якая складаецца з адвакатаў і асабістай аховы сям'і Алмазава, якія ўжылі фізічную сілу супраць супрацоўнікаў расійскага ДАІ.
У адносінах да аднаго з іх, які выкручваў рукі праваахоўнікам, заведзеная крымінальная справа.
На сайце Lifenews апублікавана відэа з месца здарэння.
«Захад-Транснафтапрадукт» — гэта беларуская дачка расійскай дзяржаўнай «Транснефті».
Каментары